Um verkefnið

​​

• Í verkefninu hljóðheimur er búin til hljóðblanda sem gefur til kynna eða endurspeglar ákveðinn stað.

• Nemendur geta ímyndað sér hvernig hljóð voru á heimili í gamla daga eða á vinnustað í framtíðinni, í íslensku kjarri eða útlendum frumskógi, í kafbát eða geimstöð, í skemmtigarði eða á orustuvelli, í hljómmiklu baðherbergi eða á draugalegu háalofti, eða hvað annað sem þeim dettur í hug.

• Þetta verkefni snýst um sköpun með hljóði.

• Verkefni er að búa til sögu eða hljóðheim, þar sem hljóðin lýsa öllu sem er að gerast.

• Nemendur finna alls konar hljóð á netinu eða taka upp hljóð og búa til sjálf og blanda þeim saman þannig að úr verður einhvers konar atriði.

• Þetta verkefni er eitt af þeim mest skapandi í hljóði, gerir nemendum kleift að vinna með ímyndunaraflið og er tilvalið til að tengja hvaða námsgrein sem vera skal.