Upplestur

Um verkefnið

Upplestur er einfalt verkefni þar sem nemendur lesa upp texta og æfa sig í almennum upplestri og hlusta á upptöku af sjálfu sér.
Með því að fá að hlusta á sig sjálfa lesa upp samfelldan texta eða ljóð geta nemendur auðveldlega greint hvað er gott og hvað þarf að æfa eða lesa betur upp..
Hægt er að vinna með þetta verkefni í íslensku og erlendum tungumálum.

Búnaður

Í þessu verkefni þarf einfaldlega tæki með innbyggðan hljóðnema og næði til að taka upp hljóð og hlusta á upptökuna.

Verkefnalýsing

Kennari og nemendur ákveða saman hvaða texta á að lesa upp.
Nemandi les textann upp og tekur sig upp með hljóðupptökutæki, hægt er að nota hvaða tæki sem er ef það býður upp á upptökumöguleika.
Nemandi hlustar á upptökuna sína og skrifar niður hvað mætti fara betur í upplestrinum. Það gæti snúist um skýrleika, hæfilegan hraða, jafnara flæði, minna hik, framburð á ákveðnum orðum, raddstyrk, áherslur, mótun setninga, kúnstpásur og fleira.
Kennari hlustar á upptökuna og skoðar hvað nemandi skrifaði niður.
Kennari kemur líka með ábendingar ef eitthvað vantar upp á lesturinn.
Nemandi æfir sig í því sem hann ætlaði að bæta.
Nemandi tekur upplestur sinn aftur upp.
Nemandi hlustar á upplesturinn og skráir hjá sér hvort hann hafi bætt sig í einhverju.
Hægt er að endurtaka þessi skref eins oft og kennari og nemandi vilja. Einnig má prófa að lesa upp annan texta, mögulega af öðru tagi.